ငွေအလှူခံခြင်း လုံးဝမဟုတ်ပါ

ငွေအလှူခံခြင်း လုံးဝမဟုတ်ပါ

ကျွန်တော် ဒီပို့စ်တင်ဖို့ အတော်လေးစဥ်းစားခဲ့ရပါတယ်။ ဒီအချိန်မှာ နာမည်ကြီးချင်လို့ထလုပ်တယ်၊ ရေဘေးအကြောင်းပြပြီးလုပ်နေတာ ဘာညာဆိုတာမျိုးတွေ ကျွန်တော်မလိုချင်ပါဘူး။

သို့ပေမယ့်လည်း နေ့စဥ်နဲ့အမျှ ဒုက္ခဆင်းရဲခံစားနေကြရတဲ့ မြန်မာပြည်သူတွေအတွက် ကျွန်တော်တစ်နည်းနည်းနဲ့တော့ ကူညီချင်ပါတယ်။ အရှင်းဆုံးပြောရရင် ဒီလိုကူညီဖို့အတွက် ငွေကလည်း အရေးအပါဆုံးအရာတစ်ခုပါ။

ကျွန်တော်မချမ်းသာပါဘူး။ ဟိုတလောက ကျွန်တော့်ကို လောင်းကစားကြော်ငြာတစ်ခုလာအပ်ပါတယ်၊ ကျွန်တော်လက်မခံခဲ့ပါဘူး။ ဘယ်တုန်းကမှလည်း ကျွန်တော်ဒါမျိုးအလှူခံတာတွေ မလုပ်ခဲ့ဖူးပါဘူး။

Anyway, လက်ရှိကျွန်တော့်မှာ အလုပ်မရှိတဲ့အတွက် ဝင်ငွေမရှိပေမယ့် ခင်ဗျားတို့ရဲ့အကူအညီနဲ့ဆိုရင်တော့ ကျွန်တော်တို့ ရေဘေးဒုက္ခသည်တွေအတွက် တစ်နည်းနည်းနဲ့တော့ ကူညီနိုင်မယ်လို့ ယုံကြည်ပါတယ်။

မိတ်ဆွေတို့အနေနဲ့ ဘာလုပ်ပေးရမလည်းဆိုရင်တော့ ကျွန်တော့်ရဲ့ ဒီပို့စ်လေးကို Like ပေးတာတို့ Share ပေးတာတို့ လုပ်ပေးရုံပါပဲ။ ဒီအချိန်မှာ အားလုံးကခက်ခဲနေတာမို့ ပိုက်ဆံကောက်ခံတာမျိုးတွေလည်း ကျွန်တော်မလုပ်ချင်ပါ။ ပိုက်ဆံကောက်ခံဖို့အတွက်ဆိုရင်လည်း ကျွန်တော်ဒီပို့စ်မတင်ပါဘူး။ လက်ရှိ အလှူငွေကောက်ခံပြီး ပြန်လည်ကူညီပေးနေတဲ့ အဖွဲ့အစည်းတွေအများကြီးမှ သူတို့ကိုသွားလှူဖို့သာ အားပေးပါတယ်။

စိတ်မကောင်းစရာကတော့ ကျွန်တော့်ကို Facebook က Bonus ပေးတာက ဒီလ (၂၀) ရက်နေ့ဆိုကုန်ပါပြီ။ ဆိုတော့ ကျွန်တော်တို့မှာ အချိန် (၅) ရက်နီးနီးသာကျန်ပါတယ်။

လက်ရှိ ကျွန်တော့်မှာရထားတာက $30 လောက်ရှိတာမို့ $100 ရမှသာထုတ်လို့ရမှာဖြစ်တဲ့အတွက် $70 လောက်လိုနေပါတယ်။ ကျွန်တော်ကတော့ ရသမျှအကုန် ရေဘေးအတွက်လှူမယ်ဆုံးဖြတ်ထားတာမို့ ပိုရလေ ပိုကောင်းလေပါ။

အနည်းဆုံး $70 ထပ်ရဖို့ ဒါတွေလိုပါမယ်

React >>> 20K -> 50K -> 100K -> 200K

Comment >>> 1K -> 10K -> 30K

Share >>> 5K -> 10K -> 30K

အဆုံးသတ်ရရင် ဒီအလှူက ကျွန်တော်တို့ ကားချစ်သူ ညီအကိုတွေရဲ့ အလှူလို့ပြောရင်လည်း မမှားပါဘူး။ အချိန် (၅) ရက်သာ ကျန်တော့တာမို့ ဒါလေးတော့ ကူညီကြနော်။