ဂုဏ်ယူ၀မ်းမြောက်ပါတယ် တောင်ဇလပ်မြေ 🎉👏အပုံလိုက်ကြီးရပြန်ပီ
မတူပီမြို့နယ်၊ ရေဇွာမြို့သိမ်းတိုက်ပွဲတွင် စစ်ကောင်စီတပ်ဘက်မှ စစ်သုံ့ပန်းအများအပြားနှင့် လက်နက်ခဲယမ်းများ ဖမ်းဆီးရရှိ
နိုဝင်ဘာ ၃၀
ချင်းပြည်နယ်၊ မတူပီမြို့နယ်၊ ရေဇွာမြို့သိမ်းတိုက်ပွဲတွင် စစ်ကောင်စီတပ်ဘက်မှ စစ်သုံ့ပန်းအများအပြားနှင့် လက်နက်ခဲယမ်းများ ဖမ်းဆီးရရှိကြောင်းCDF-Zotung က တရားဝင် ထုတ်ပြန်ပြောဆိုသည်။
နိုဝင်ဘာလ ၂၅ ရက်နေ့တွင် ZZLMS Operation ဟုအမည်ပေးထားသည့်ချင်းပြည်နယ် ၊ရေဇွာ မြို့သိမ်းတိုက်ပွဲစတင်ခဲ့ကြောင်း၊ နိုဝင်ဘာလ ၂၈ ရက်နေ့တွင်ZZLMSညီနောင်များနှင့်အတူ
ချင်းအမျိုးသားတပ်ဉီး CNA၊ CDF-MATUPI(B2) တို့က ပါဝင်ပူးပေါင်း တိုက်ခိုက်လာခဲ့ပြီး နိုဝင်ဘာလ ၂၉ ရက်နေ့ နံနက်ပိုင်း ၁၀ နာရီဝန်းကျင်တွင် စခန်းကို အပြီးပိုင်သိမ်းပိုက် နိုင်ခဲ့ကြောင်း သိရှိရသည်။
ထိုစခန်းသိမ်းတိုက်ပွဲတွင်စစ်သုံ့ပန်းများကို ဖမ်းဆီးရမိပြီးလက်နက်နှင့်ခဲယမ်းအများအပြားကိုလည်း ရရှိခဲ့ကြောင်းနှင့်ရေဇွာမြို့ကိုအလုံးစုံသိမ်းပိုက်ထိန်းချုပ်နိုင်ခဲ့ကြောင်း CDF-Zotung မှ တော်လှန်ရေးရဲဘော်က ရှင်းပြသည်။